Herzlich willkommen beim Ortsverein Adelmannsfelden-Pommertsweiler! |
| Wir, die Adelmannsfelder und Pommertsweiler Landfraua wellet en kloina Überblick geba über onser gemeinsames ond reges Landfraualeba. Eigentlich g’höret mir gar net zusamma doch mir dent aus dr gleicha Gegend stamma. | Die Adelmannsfelder g'höret zom Bezirk Ellwanga send aber mit de Pommertsweilermer zusammaganga. Mo hot halt g'merkt, des isch guat, des passt ond hot sich auf a "Vereinsehe" eig'lasst. Do dazua koma saga nur: "Diese Mischung isch a wunderbare Rezeptur!"Was lange währt, des isch au guat, ond hend onsre Politiker au nex am Huat, so sends halt die Menscha bei ons, dia zusamma findet, dia miteinander senget ond da Osterbrunna bindet, | | Joga, Autogenes Training oder beim Walka durch die Wälder flitza ond em Hallabad em Rabahof beim Schwimma schwitza . | Die bastlet ond au gera kochet ond dabei net bloß auf ihre oigena Vorteil pochet. So wird mol ebbes en Adelmannsfelda ond mol ebbes en Pommertsweiler gemacht, a anders Mol werdet onsre Kuacha zu verschiedene Festla gebracht. Dann dent mir en Pommertsweiler au da Herbstbronna richta, ond en Adelmannsfelda da Stand fürs Dorffest ausrichta. | | Au zom Herrgott dent mir naufbeta - egal welcha Konfessio - irgend a Kirchle isch emmer dafür do! Dann gibt's bei ons au no andere Sacha: Mir dent näha, mola ond natürlich lacha, Gäns rupfa, feschta ond schwanza, manche dent au en dr Volkstanzgruppe tanza. Die Trachta, die Ihr auf onsrem Bildle seht, hend onsre Landfraua selbst genäht. Mir machet au Ausflüg ond ganget ins Naturtheater, höret Vorträg vom Ernährungsberater, für "Älles" send mir offa ond send bestrebt, dass onser Verei älle was bietet, dass er lebt! So standet mir au jedes Johr zur Ferienzeit mit ons'rem abwechslungsreicha Programm bereit. Des wird von de Kender ällaweil gut besucht, ond isch emmer bis auf's letschte Plätzle ausgebucht. | | |
Onser Frauafrühstück mit interessante Thema dent mir Landfraua gera annehma. Onderm Johr, wenn es sich dann so ergibt, send onsere Grillfeschtla au sehr beliebt. Ond net zu vergessa: onser alljährliches Hitzkuchaessa. Dann dent mir no dra denka, dass mir jedem Landfraua-Baby a Bäumle dent schenka. Ond mir saget von ons gern: "Mir send fleißig, rege ond modern!" Kontakt:
|